Blogmn.Net

Blogmn.Net сайт нь үнэ төлбөргүй блогийн үйлчилгээ үзүүлэгч сайт юм.
Уг сайт 2006 оны 1-р сарын 6-нд анх blog.dusal.net нэртэйгээр нээгдсэн, анхны Монгол хэл дээрх блог түгээгч сайт болов уу.

Нээлттэй, чөлөөт мэдээллийн хэрэгсэл нь ардчилал, эрх чөлөөт байдлын тулгуур багануудын нэг тул жирийн иргэн хүнд ч үнэ төлбөргүй мэдээллийн хэрэгсэлтэй болох боломжийг нээж өгөх, цензургүй бодит мэдээллийн хэрэгсэлтэй болох, мөн мэдлэг мэдээллээ солилцох, санал бодлоо чөлөөтэй илэрхийлэх индэр бий болгохоор зориглон dusal.net веб сайтын зүгээс энэхүү сайтыг анх нээж, хөгжүүлж эхэлсэн билээ.
Одоо ч бид энэхүү зорилго зарчмынхаа хүрээнд үйл ажиллагаа явуулах, Монгол улсын болоод олон улсын хууль дүрмийн дагуу, ёс суртахууны хэм хэмжээг баримтлан сайтаа эрхлэн явуулахыг, агуулга, оруулж буй мэдээллүүдэд тодорхой хэмжээнд хяналт тавихыг хичээдэг. "Цензургүй" гэдэг нэрийн дор хууль зөрчихийг бүү ойлгоорой. Мөн бид энэ талаар үйлчилгээний нөхцөл тохиролцоо хийдэг ба, үүнийхээ дагуу үйл ажиллагаа явуулдаг.
Магадгүй зарим цөөн тохиолдолд Монгол улсад ашигтай гэж үзвэл бид үйлчилгээний нөхцөл зөрчсөн блогуудыг хориглохгүй үргэлжлүүлэн хөтлүүлэх, зарим блогийг тухайн үед нь үйлчилгээний нөхцөлд өөрчлөлт оруулан хориглох ч боломжтой. Гэсэн ч бусад олон Монгол болоод гадаад сайтууд байдаг тул манай үйлчилгээний нөхцлийг зөвшөөрөхгүй, манай сайт дээр байрлах боломжгүй блогоо ч өөр сайт руу нүүлгэж зөөх боломжуудыг ч бид олгодог.

Уг сайтыг анх сайн дураараа нэгдсэн оюутан залуус үүсгэсэн ба энэхүү сайт нь өөрөө бизнесийн зорилготой бус, ямар нэгэн ашиг олдоггүй тул зарим нэгэн гишүүдийнхээ дэмжлэгтэйгээр өнөөг хүртэл ажиллаж ирлээ.
Олон давуу талууд, дутагдалтай, алдаатай, оноотой зүйлстэйгээ одоог хүртэл ажилласаар байна. Цаашдаа dusal.net сайтын зүгээс веб серверээ сайжруулах болон бусад хөгжүүлэлтдээ зориулан бизнесийн зарим үйл ажиллагаануудыг төлөвлөж байгаа. Хамгийн эхнийх нь бизнес ангиллын блог, веб сайтын үйлчилгээг төлбөртэй байдлаар нээн ажиллуулахаар ажиллаж байна.

Манай сайт нь улс төр, шашины болоод өөр ямар нэгэн байдлаар хэн нэгэнд хамаардаггүй бөгөөд аль болох иймэрхүү хамаарлаас хол байх үүднээс сервер болоод эдийн засгийн хувьд бусдаас дэмжлэг авалгүй одоог хүртэл бидний өөрсдийн дотоод боломждоо тулгуурлан ажиллаж ирсэн тул санхүүгийн болоод, техникийн тал дээр зарим нэг асуудалтай тулгарч байсан, одоо ч зарим нэгэн асуудалтай байдаг. Гэхдээ бид бууж өгөхгүй бүх чадах чинээгээрээ хичээн ажиллах болно.

Сайт маань нээгдсэнээс хойш блог бичдэг залуус хоорондоо танилцан нүүр нүүрээ хараагүй ч хоорондоо интернетээр холбогдон "Амьдрах хүслэн", "Монгол хүүхэд" зэрэг сайн дурын хөдөлгөөн, санаачилгуудыг өрнүүлэн хүмүүст тусалж, хоорондоо найзлан холбогдож сайн сайхан зүйл хийж байгаад сайтын удирдагч админы зүгээс маш их баяртай байдаг.

Бидний талаар илүү ихийг мэдэх, асууж  лавлах зүйл танд байгаа бол манай мэйл хаяг, блогийн маань сэтгэгдлийн талбар таны өмнө үргэлж нээлттэй байх болно.
Мөн та техникийн боломжийн хувьд хамгийн эрх чөлөөтэй, хамгийн олон боломжийг агуулсан, хамгийн чөлөөтэй, боломжийн тохилог манай сайт дээр блогоо нээн хөтлөхийг бид урьж байна.

BlogMN сайт нь PHP+MySQL+AJAX зэрэг орчин үеийн технологи ашиглан вебийн хөгжүүлэлтээ явуулдаг. Тогтмол гишүүд, хэрэглэгчидтэйгээ холбоотой байж шинэчлэлт, хөгжүүлэлт хийж явдаг. Та манайхаас олон олон илүү давуу талуудыг хэрэглэж үзээд олж мэдрэх болно гэдгийг бид танд амлаж байна.



Та бидний ажлыг дэмжин санхүүгийн дэмжлэг үзүүлэхийг хүсвэл, манай сайтын үйлчилгээг сайжруулж илүү найдвартай сайн үйлчилгээ авахыг хүсвэл доорх дансанд хандив өгч болно:

Төгрөгийн данс:
Банк: Хаан Банк (Khan Bank)
Дансны дугаар: 5003413464
Хүлээн авагч: Даваадорж

Долларын данс:
Банк: Голомж Банк (Golomt Bank)
Дансны дугаар: 4207333035915659
Хүлээн авагч: Даваадорж


1.00
 
Үнэлсэн: 2 удаа.

Сэтгэгдэл бичих
Сэтгэгдэл:

Сэтгэгдэл бичих